O'zbekistonda bolalarni qo'llab-quvvatlash jamoat fondi tashkil etilmoqda

O'zbekistonda muhtoj oilalar, yetim bolalar, nogiron bolalar va og'ir kasalliklarga chalingan bolalarni davolash, ularning ta’lim olishi, uy-joy bilan ta'minlash va kasbni egallashini qo'llab -quvvatlash uchun jamoat fondi tashkil etilmoqda.

Prezident Shavkat Mirziyoyevning 4 oktabrdagi farmoniga binoan, jamg'arma qiyin ahvolda qolgan va ijtimoiy himoyaga muhtoj bolalarni aniqlash, ularga manzilli ijtimoiy va moddiy yordam ko'rsatish bo'yicha tadbirlarni tashkil qiladi va moliyalashtiradi.

Shu bilan birga, bolalar hayoti uchun xavf tug'diradigan jiddiy kasalliklar, surunkali va noyob kasalliklarni o'z vaqtida tashxis qilish, ularni mamlakatda va chet elda davolash uchun tibbiy, ijtimoiy va moddiy yordam ko'rsatishning qo'shimcha mexanizmlarini joriy etishga yordam beradi.

Nogiron bolalar uchun jismoniy va aqliy rivojlanish bo'yicha ta'lim olishda yordam beradi; nogiron bolalarning ijtimoiy moslashuvi, ularning qiziqishlaridan kelib chiqqan holda kasb-hunarga o'rgatish va uyda o'z-o'zini ish bilan ta'minlash uchun asbob-uskunalar bilan ta'minlash; og'ir kasalliklarga chalingan bolalarga g'amxo'rlik qilayotgan kam ta'minlangan oilalarga homiylikni tashkillashtiradi.

Yangi tuzilma nogiron bolalarni ijtimoiy qo'llab-quvvatlash, shu jumladan ularga yuqori texnologiyali maxsus reabilitatsiya yordamini ko'rsatish bo'yicha tadbirlarni tashkil qiladi va moliyalashtiradi.

Bundan tashqari, jamg'arma muhtoj oilalar farzandlari va nogiron bolalarni dori-darmonlar, tibbiy va protez-ortopedik mahsulotlar bilan bepul ta'minlaydi.

Jamg'armaning asosiy mablag'lari davlat byudjeti mablag'lari hisobidan, 100 milliard so'mlik bepul moddiy yordam, shuningdek, ixtiyoriy xayr-ehsonlar, davlat va xorijiy grantlar, kraudfanding, banklar va boshqa manbalardan tushadigan daromadlar hisobiga shakllantiriladi.