O'zbekistondagi bukmekerlik saytlari yopildi

"Hurmatli iste'molchilar, qimor o'yinlari va boshqa tavakkalchiliklarga asoslangan o'yinlarda ishtirok etmang" ogohlantiradi Iste'molchilar huquqlarini himoya qilish agentligi.

Iste'molchilar huquqlarini himoya qilish agentligi bukmekerlik idoralari faoliyati noqonuniy ekanligini eslatdi.

Iste'molchilar huquqlarini himoya qilish agentligi xodimlari Axborot va ommaviy kommunikatsiyalar agentligi bilan birgalikda bukmekerlik idoralarining 10 dan ortiq veb-saytlariga kirishni cheklashdi.

Agentlik eslatib o'tdiki, Ma'muriy javobgarlik to'g'risidagi kodeksning 191-moddasi (qimor o'yinlari va boshqa tavakkalchilikka asoslangan o'yinlar), shuningdek, Jinoyat kodeksining 278-moddasi (qimor va boshqa tavakkalchilikka asoslangan o'yinlarni tashkil etish va o'tkazish) ga binoan, bu turdagi mamlakatda faoliyat hali ham noqonuniy hisoblanadi.

Bundan tashqari, "Reklama to'g'risida"gi Qonunning 6-moddasiga ko’ra, ishlab chiqarilishi yoki sotilishi qonun bilan taqiqlangan mahsulotlar, shu jumladan, lotereyalar va bukmekerlik idoralari haqida reklamada ma'lumot tarqatish taqiqlangan.

Bukmeykerlarning ishi noqonuniy bo'lishiga qaramay, onlayn-bukmekerlar bozori Internet tarmog'i orqali faol rivojlanmoqda. Shu sababdan, o'tgan davr mobaynida Axborot va ommaviy kommunikatsiyalar agentligi tomonidan 10 dan ortiq noqonuniy saytlarga kirish cheklandi. Bu sohada ishlar davom etmoqda.