O'zbekiston va Afg'oniston tashqi ishlar vazirlari muzokara o'tkazdi

Afg'onistonning yangi rahbariyati O'zbekiston Respublikasi uchun mustahkam xavfsizlik kafolatlarini taqdim etdi

Yangi hokimiyat Afg'onistondan O'zbekistonga tahdid va xavf paydo bo'lishiga yo'l qo'ymaydi, dedi O'zbekiston Tashqi ishlar vaziri Abdulaziz Komilov Qobulga tashrifi chog'ida.

Yaqin vaqt ichida tomonlar Termiz shahrida qo'shma muzokaralar o'tkazishga kelishib oldilar.

7 oktyabr kuni O'zbekiston va Afg'oniston tashqi ishlar vazirlari tranzit, energetika va savdo masalalarini muhokama qilishdi. Afg'oniston tomoni Mozori Sharif aeroportini rekonstruksiya qilishda va boshqa sohalarda yordam bergani uchun O’zbekistonga minnatdorchilik bildirdi.