Dubay shahzodasi O'zbekistonga ovga keldi

Oktyabr oyida Dubay valiahd shahzodasi Shayx Hamdan bin Muhammad al-Maktum tuvaloqlarni lochin bilan ovlash maqsadida O'zbekistonga keldi.

Bu tuvaloqlar Navoiy shahridan 50 km uzoqlikda joylashgan “Tuvaloqlarni ko'paytirish va saqlash markazi”da ov qilish uchun maxsus ko’paytiriladi. Qo'riqxona hududi BAAga tegishli.

Ushbu markaz 2008 yilda Navoiy viloyatida Dubay amiri Muhammad ibn Rashid Al Maktum tashabbusi bilan tashkil etilgan. Qo'riqxona o’z faoliyati davomida 10 mingga yaqin tuvaloqlarni tabiat qo’yniga qo'yib yuborgan.

Dubay valiahd shahzodasi Al -Maktum har yili bu erga o'z hamkasblari bilan tuvaloqlarga lochin ovini uyushtirish maqsadida tashrif buyuradi.